လူသားများနှင့် အခြားသော တိရစ္ဆာန်များသည် မြေပြင်ပေါ်ရှိ အခြားသော သက်ရှိအသွင်များကို အစားအသောက်၊ သန့်စင်သောလေ၊ သန့်စင်သောရေ နှင့် ရာသီဥတု ပြောင်းလဲခြင်းကို တိုက်ဖျက်သည့် နည်းလမ်းအဖြင့် မှီခိုကြပါသည်။ သစ်တောများသည် ကမ္ဘာ့မျက်နှာပြင်၏ ၃၀% ရှိပြီး၊ လေ နှင့် ရေကို သန့်စင်ရန် နှင့် ကမ္ဘာ့ ရာသီဥတုကို ဟန်ချက်ညီမျှစေရန် ကူညီပေးပါသည်။ တိရိစ္ဆာန်မျိုးစိတ် သန်းပေါင်းများစွာ၏ တည်နေရာအိမ်လည်း ဖြစ်ပါသည်။ သို့သော် မြေပေါ်ရှိ သက်ရှိများသည် ဒုက္ခရောက်နေပါသည်။ သမိုင်းကြောင်းအရ သီးနှံဖြစ်ထွန်းသော မြေယာများမှာ ၃၀ – ၃၅ ဆ ပို၍ မြန်ဆန်စွာ ပျောက်ဆုံးနေပါသည်။ သဲကန္တာရများ ပို၍ ကျယ်ပြန့်လာသည်။ တိရစ္ဆာန် အမျိုးအစားများ မျိုးသုဉ်းပျောက်ကွယ် လာသည်။ ထိုအလားအလာများကို ကျွန်ုပ်တို့ ပြောင်းလဲနိုင်ပါသည်။ ကံအားလျော်စွာ ရေရှည်ခိုင်မြဲသော တိုးတက်မှူ ရည်မှန်းချက်သည် မြေပြင်ဂေဟစနစ်ဖြစ်သည့် သစ်တောများ၊ စိမ့်မြေအရပ်များ၊ ကုန်းမြေများ နှင့် တောင်များ စသည့်တို့ကို ၂၀၃၀ခုနှစ်ထက် နောက်မကျဘဲ ထိန်းသိမ်းစောင့်ရှောက်ပြီး ပြင်ဆင်မွမ်းမံရန် ရည်ရွယ်ပါသည်။