បម្លែងទឹកអំបិលទៅជាទឹកសាប

- Resource Type
- Project
- Subjects
- Chemistry Physics
- Topics
- Sustainability
- Time for activity
- 01:00
នៅក្នុងពិសោធន៍នេះ សិស្សនឹងរៀនអំពីគំនិតនៃការផ្លាស់ប្តូរស្ថានភាពរាវនៅក្នុងការរចនា និងប្រើប្រាស់ថាមពលដែលមានដើម្បីបំលែងទឹកប្រៃទៅជាទឹកសាប។
- Introduction
-
ទឹកភាគច្រើននៅលើផ្ទៃផែនដីស្ថិតនៅក្នុងសមុទ្រ។ ទឹកសមុទ្រមានជាតិប្រៃពីព្រោះវាមានសារធាតុរ៉ែជាច្រើន រួមទាំងអំបិល។ សារពាង្គកាយជាច្រើនលូតលាស់ និងមានគុណយ៉ាងល្អនៅក្នុងទឹកអំបិល ប៉ុន្តែអ្នកខ្លះទៀតរស់នៅក្នុងបរិស្ថាននៃទឹកសាប។ មនុស្សត្រូវការទឹកសាប ច្រើនជាងទឹកអំបិល។ ទឹកសាបភាគច្រើនទទួលបានពីក្នុងដី ប៉ុន្តែមិនមែនដីទាំងអស់ដែលរមនុស្សរស់នៅសុទ្ធតែមានធនធានទឹកស្អាតនោះទេ។ តំបន់ក្បែរឆ្នេរសមុទ្រមានទឹកប្រៃច្រើនពីសមុទ្រ ប៉ុន្តែកម្រមានទឹកសាបណាស់។ តើយើងអាចប្រែក្លាយទឹកអំបិលទៅជាទឹកសាបបានទេ?
សកម្មភាពនេះនឹងផ្តោតលើដំណើរការដែលពាក់ព័ន្ធនឹងការបំលែងទឹកអំបិលទៅជាទឹកសាប។ នៅក្នុងការពិសោធន៍នេះនិស្សិតនឹងរៀនអំពីគំនិតនៃការផ្លាស់ប្តូរស្ថានភាពរាវនៅក្នុងការរចនា និងប្រើប្រាស់ថាមពលដើម្បីបំលែងទឹកប្រៃទៅជាទឹកសាប។ចំណុចរំពុះនៃទឹកគឺ100អង្សាសេ។ ទោះជាយ៉ាងណាក៏ដោយនេះមិនមានន័យថាទឹកនឹងចាប់ផ្តើមហួតនៅ 100 អង្សារនោះទេ។ សូម្បីតែនៅសីតុណ្ហភាពក្រោម 100 អង្សា ដំណើរការនៃការហួតទឹកអាចកើតឡើង។ អំបិលត្រូវបានបំបែកចេញពីទឹកតាមរយៈការហួត។ នៅសីតុណ្ហភាពក្រោម 100អង្សារ អំបិលនឹងមិនហួតខ្លាំងទេ ព្រោះចំណុចរលាយនៃអំបិលគឺដល់ទៅ800អង្សារ។ ដូច្នេះទឹកហួតនៅក្រោម 100 អាចបំបែកទឹកចេញពីអំបិល។ ដើម្បីឱ្យទឹកពុះ អ្នកអាចប្រើភ្លើង ឬពន្លឺព្រះអាទិត្យ។ ចំហាយទឹក អាចត្រូវបានប្រមូលម្តងទៀតដោយបំលែងចំហាយទឹកទៅក្នុងទឹកតាមរយៈដំណើរការត្រជាក់កំឡុងពេលដែលចំហាយទឹកប៉ះនឹងផ្ទៃត្រជាក់ហើយបង្ហូរចូលក្នុងធុង។
ដំណើរការនេះត្រូវបានគេហៅថាទឹកបិត។ - Key Objectives
-
- យល់ដឹងថាការឡើងកំដៅអាចផ្លាស់ប្តូរស្ថានភាពរបស់វត្ថុពីរាវទៅជាឧស្ម័ន។
- រយល់ដឹងថាកំណញើសកើតឡើងនៅពេលចំហាយទឹកប្រែជារាវតាមរយៈការត្រជាក់។
- យល់ដឹងថាទឹកនិងអំបិលអាចត្រូវបានបំបែកតាមរយៈការហួត។ អនុវត្តវិធីសាស្រ្តនៃការបំបែកទឹកអំបិលនៅក្នុងជីវិតប្រចាំថ្ងៃ។
- Guiding Questions
-
- តើយើងអាចធ្វើឱ្យទឹកអំបិលហួតបានយ៉ាងដូចម្តេច?
- តើអាចត្រង និងរក្សាទុកចំហាយទឹកបានដោយរបៀបណា?
- តើយើងអាចបញ្ចោញចំហាយទឹកម្តងទៀតយ៉ាងដូចម្តេច? ប្រើកំដៅ រឺត្រជាក់? ហេតុអ្វី?
- តើធ្វើដូចម្តេចដើម្បីសាងសង់សំណង់ដើម្បីកំដៅទឹកប្រៃ និងផ្ទុកចំហាយទឹកនៅក្នុងធុងផ្សេង?